قد يكون التصريح الذي أدلى به رئيس الحكومة حسان دياب، بعد اجتماع المجلس الأعلى للدفاع، هو الأغرب في تاريخ رؤساء الحكومات في لبنان.
صدر عن دياب جملة مواقف وتساؤلات، إلاّ أنّ الأغرب والأكثر إثارةً للجدل بينها، هي الآتية: “البلد عم يواجه تحديات استثنائية وهناك تفلت السلاح واعتداء ع مراكز الأمن وكأن الأمور مش تحت السيطرة. وين الأجهزة الأمنية؟ وين القضاء؟ شو دورهم بفرض هيبة الدولة؟ كيف فينا نفرض الأمن بمنطقة وما فينا نفرضه بمنطقة تانية؟”.
وأضاف: “يلي عم بصير ما بده توافق سياسي، بده قرار أمني جدي وحازم”.
وفي عيّنة عن التعليقات على أسئلة دياب، عبر “تويتر”، توجّه إليه مُنير حنتس بالقول: “معقول هالكلام طالما عنا ياك بالرئاسة إنو معليش أنا ولا مرة علقت عليك بس هيدا كلام استفزازي بحق الشعب وعيب يصدر هيك تويت منك إن دل على شيء ما بقى بدي كمل… ح البس كمامة خلص”.
أمّا شربل أبي غانم، فتوجّه بدوره بـ4 أسئلة إلى رئيس الحكومة، مغرّداً: “اي ليش ما بتاخذ هيك قرار؟مش انت على أساس جيت لتصلح وتمشي الوضع العام ع التمام؟مش انت قلت انا جايي من هَمْ الناس وبدي شيل الهَم عن قلبهم؟عم تشكيلنا؟ إذا منك قادر استقيل وفل وما تتحمل مسؤولية أمور ما فيك تغيّر فيها للأحسن”.
ولعلّنا يجب أن نضيف على الأسئلة التي طرحها دياب سؤالاً إضافياً: “وين رئيس الحكومة؟”.
.jpg)
